نضال أنور المجالي يكتب : يا حسبة الضمان!
نبأ الأردن -
"يا حِسبة الضمان.. طال المشوار"
يا حِسبة الضمان.. يا لغز العصر
كُل ما نقرّب خطوة.. بتبني لنا قصر!
بس القصر "بالحلم".. موش ع الأرض
والراتب المنحوس.. طار بـ "القرض"
قالوا: "قانون جديد".. أبشر يا فلان
قلنا: "الفرج قَرّب".. وودّعنا الهوان
أتاري الحسبة صارت.. بدها "فيزياء"
وبدنا "مُنجّم".. يقرأ لنا الأشياء!
ستين؟.. قالوا: "لأ.. السبعين أحلى"
واللي يبي يتقاعد.. عيشتُه تِغلى
صرنا ندوّر ع "العكاز".. قبل المعاش
واللي يحصّل "مُبكّر".. كأنه بـ "إنعاش"!
الاقتطاع شغال.. مثل "المنشار"
طالع بياكل.. ونازل شعللها نار
ونحنا بنحلم.. باليوم الموعود
يوم التقاعد.. اللي غايب ومو موجود!
يا مدير الضمان.. ارحم هالظهور
الشيب غطانا.. واحنا بنستنى الدور
بدنا الراتب "وإحنا" لسا بنمشي
مو وإحنا "بالإسعاف".. ونفسنا نمشي!
قانونكم يا ربعي.. بده "طولة بال"
بنموت وحنا بنقول: "انعدل الحال؟"
يا خوفي يجي يوم.. والضمان يقول:
"الراتب بالجنة.. للصابر الصبور"!
تابعوا نبأ الأردن على
