علاء الذيب يكتب : "اللي صار برفع الراس"

للأمانة اللي صار اشي برفع الراس، وجهود جهاز المخابرات كانت واضحة للجميع، لكن كمواطن بعيش في محافظة الزرقاء، حاب اشكر مخابرات الزرقاء كمان، على الجهد اللي عملته وتعبت فيه، كيف اشتغلت بهدوء وبصمت وراقبت وتابعت لحظة بلحظة حتى جابتهم كلهم.

اشي بدعيك للمفخرة، لما تمر من عند المجمع الجديد والدنيا ليل وتشوف مبنى المخابرات ضاوي، بتصير تحكي بينك وبين حالك هما شو بشتغلوا بهاض الوقت، انت بتروح تنام وهما صاحيين، لكن بفاجئوك بدقة وسرعة يقظتهم.

صدقا، عندنا جهاز امني من الطراز الثقيل، ما بغفل، وما بسكت، وكل اشي محسوب عنده، مش بس انجاز، هذا فخر النا، لانه عندنا ناس بتحب البلد وبتخاف عليه، وبتشتغل بصمت، بس شغلهم كبير وكبير كثير.

هاي العملية بتأكد انه الامن مش بس واجب، الامن عندنا رسالة، وفي الزرقا، بيشتغلوا على اعلى مستوى، حاسة امنية رهيبة، وعين ما بتنام.

اشهر وهما بتبعولهم، وبراقبوا تدريباتهم، وتحركاتهم، وطلعاتهم وفوتاتهم وجياتهم..

جد جد يعطيهم الف عافية، ودام عز الوطن، ودامت الزرقا حصن الامان، الله يحمي الاردن ويحمي رجالها..