علاء الذيب يكتب بـ "العامية الفصحى" : لمّا خالتي تصير وزيرة .. تزفيت للمزرعة وتعيينات حبطرش!

لما خالتي تصير وزيرة ، بدي اخلي بلدية من البلديات الي بالشمال توديلها اليات البلدية عشان تزفتلها المزرعة ، وتزبطلها ياها بكوادر البلدية..

لا تفكروا خالتي بتنكر المعروف ، بالعكس راح اخليها توظف زوجة نائب رئيس البلدية باي مركز من المراكز ، عشان ما قصر معها..

ومن هسا اذا خالتي صارت وزيرة ، راح تعين بنت اختها براتب ٨٠٠ دينار ، وابن اخوها كمان باي منظمة من المنظمات ، حتى قرابة زوجها راح تعينه.. ما راح تخلي حدا بالعيلة الا تشغله..

من هسا حكيتلكم.. هي حرة ، وزيرة ما حدا خصه فيها ، انتوا الله لا يردكم

#وسلامتكم