العبداللات : اوقفوا قتل الكلاب الضالة

نبأ الأردن- قالت الناشطة بمجال حقوق الحيوان لارا العبداللات انها تتعامل بشكل مباشر مع الكلاب الكنعانية ( البلدية ) مؤكدة ان هذه السلالة غير شرسة الا اذا تمت اساءة بمعاملتها .

واضافت العبداللات في حديثها: يعني انا انقذت اكتر من ٧٠ كلب و ١٠ قطط.
و تم تسفير ٦٠ كلب و ٥ قطط الى امريكا و كندا من اجل
التبني. و هيهم عايشين منيح. ما عمرهم عضوا حد او ازعجوا الجيران .

وتساءلت العبداللات : ليه بس هون الكلاب خطرة على الاطفال و الحارة.
الجواب: بسبب معاملتنا السيئة لهم من تعذيب و ضرب و سحبهم بالسيارات و حرقهم و تعليقهم على اعمدة الكهرباء و
سرقة اطفالهم و قص اذانهم و ذيلهم و دعسهم و حبسهم و الخنق و وضع القطط في مايكرويف و رميهم بالحجارة و و و و

و بدكم الكلاب لا تاكل و لا تشرب و تنضرب
و تحكيلكم شكرا؟؟؟؟؟؟؟؟

شو هل ثقافة ؟؟؟
وين الدين الاسلامي هون؟
ويلا الدين بس صلاة و صوم؟؟؟

و عادي الكذب و النصب و قتل الحيوانات و النميمة الخ؟!!؟ (بلكي نيوز)