ميسر السردية تكتب: مو عفيه شطارتي

هذا ماحدث البارحة بحذافيرة، نطقت الى إلى المطبخ نطقت ابليس من عند الصحابة، بدي أعمل صينية بسبوسة، فتحت انقل من النت الطريقة، مش معقول شو بسيطة، فعلا وبدهاش شطارة، تذوقت قطعة، غريبة، طعمها بيختلف عن طعم بسبوسة جارتنا أم فارس، كمان بتقرش، تناول كل فرد من العائلة قطعة، استغراب واستنكار، شو نوعية السميد اللي استخدمتيه.. عادي من الكيس اللي اشتريناه اول أمس .. شكلهم حتى السميد غشوه ملعونين الوالدين .. يمكن طاحنين معه حصو أو خالطينه رمل.. شوفي النوع مشان ماعاد نشترية… حصت ولصت.. ايوه شو نوعيته.. ومو مكتوب عليه.. لا لا مكتوب.. بس ماطلع سميد.. لعاد شنو… هذا برغل ناعم.. مش معقول مابتعرفي تفرقي بينهم… بس ذوقوا طيبة.. ضحكوا ضحك عن سنة.حتاكلوه يعني حتاكلوه.. مش رح ارمي نعمة الله بالسلة.. اضحكوا على كيفكم.. غير بطونكم مالها بسبوستي مطرح. تنصرف إليه.. انتو مش أحسن من الشعب اللي ظل يومين يتندر على حديث رئيس حكومته ومع ذلك بدو يبلع كل القرارات بمرها وسرها وهو يضحك يا شطورين.. احنا مش قاعدين على مال منغو.. أكلوا وانتو ساكتين…. ولا حرف هذا اللي صار وهذا اللي جرى..