ميسر السردية تكتب : يوميات تلفونات أردنية

{title}
نبأ الأردن -

.
.. مع رب الأسرة
-الو.. صارلي ساعة أرن ليه ما ترد؟
-مشغول عندي ناس.. شو فيه؟
-ولاشي.. طبخت خبيزة.. وانت مروح هات معك ربطة خبز وعليك لبن وإذا مريت ع محل الخضره رنلي.





بدكم لبن حجم كبير ولا صغير.
-علبة الوسط أم ال ٧٥ قرش.. بااااي
مع الصديق جيم
-الو.. شلونك مع هالسميطة؟
-الحمد لله.. متلفلف قدام الصوبيا
-حسب معلوماتك كمتخصص تاريخ أي موقع أكثر دقة للحميمة.. عم بقرأ بمخطوط حققه د. عبدالعزيز الدوري أخبار الدولة العباسية؟
-أعتقد الأقرب للصواب جنوب شرق الطفيلة.
-اشتغل ولا بعدك؟.. لا والله لسه متعطل عن الإنجاز.طيب حبيت استفسر.. بااااي
مع الصديقة خاء
-مرحبا يابنت.. بيش غاطسة ماسمعت حسك؟
-والله بلاطش.. بدي أدبر أجار البيت.. رحلني الزلمه وهو بيرن على وابشرك من زود البخت خلصت جرة الغاز.
-ليش ما استلم الولد الراتب؟
-ترك الشغل.. طلع عليه نقص بالكأس.. وهيو متلهمد عندي.. والبنت مكرجة لا شغل ولا غبار بين اسود.
-لا حول ولا قوة إلا بالله.. طيب طمنيني شو بيصير معكم.. باااي
مع الجدة
-الو.. مرحبا جدة.. شلونك شخبارك؟
-هلا.. ارفعي حسك ماانت سامعه.. وش تقولين؟
-أقول شلونك.. شلوني؟!! .. ليش ظل بي حيل..ذبحني رجليني.. ركبي يطقن .. اشوف الاوادم غباشات..
-ماشاء الله عليك.. مابك غير الخير.. تريدين شي؟!
-هاتي لي قطرة عيون مثل اللي جبتيه هذيك المره… الو الو.. الصوت يقطع.. خشخشه بالتلفون.. يمكن يتجسسوا علينا.. الو الو
-سبعكم.. وسبع جيلكم ما اسقطكم.. عمركم ما تفيدون حدا.. ترن ترن.. أغلق الهاتف.
.. صفنه… خليني أتفطن على مين أرن يقبل مايخلص موعد شحن البطاقة ….
…..
حديث نفس بالمطبخ
معقول حدا يتجسس علينا.. معقول.. لا مش معقول.. وعلى ايش.. مااحنا طول نهارنا وليلنا بنلاخم "اشكرا خبر "على كل ما أتيح لنا من وسائل تواصل.. حتى بمحل الخضرة والعطار وبورشة الميكانيكي .. ومع موزع الغاز.. أبيش سر ذرى مخبأ بالبلد.. كلها أوضتين وصالة على رأي أهل مصر. …!!!
تابعوا نبأ الأردن على